لاہور: مسلم لیگ ق کے سربراہ چودھری شجاعت سے آصف علی زرداری کی اہم ملاقات ہوئی ہے۔
خبر رساں اداروں کے مطابق سابق صدر اور پیپلز پارٹی کے شریک چیئرمین آصف علی زرداری نے مسلم لیگ ق کے سربراہ چودھری شجاعت سے ملاقات کی ہے، جس میں ملک کی سیاسی صورت حال پر تبادلہ خیال کیا گیا۔
سابق صدر آصف علی زرداری ، چودھری شجاعت سے ملاقات کے لیے ان کی رہائش گاہ پہنچے اور صحت سے متعلق خیریت دریافت کی۔ دونوں رہنماؤں کی ملاقات میں ملک کی سیاسی صورت حال پر بھی تفصیلی تبادلۂ خیال کیا گیا۔
آصف علی زرداری اور چوہدری شجاعت کے درمیان ہونے والی ملاقات میں چوہدری سالک اور چوہدری شافع حسین بھی موجود تھے۔