میڈرڈ: اسپین کے جزائر میں گزشتہ روز سے لگی جنگلاتی آگ پر قابو پانے کی کوششیں جاری ہیں اور 3ہزار افراد کو علاقے سے نکال کر محفوظ مقام پر منتقل کر دیا گیا ہے۔
اسپین کے جنوب اور مراکش کے مغرب میں واقع کناری جزائر کے جنگلات میں گزشتہ روز آگ لگ گئی تھی۔ جزیرہ ٹینرائف انتظامیہ کے مطابق آگ بجھانے کی کوششیں جاری ہیں۔
متاثرہ علاقوں میں سے سانٹا ارسولا سے 2ہزار 400اور لا وروٹاوا سے 600شہریوں کو محفوظ مقامات پر منتقل کر دیا گیا ہے۔ انتظامیہ کے مطابق آگ بجھانے کی کوششوں میں 7ہیلی کاپٹر شامل ہیں۔