غزہ : میں اسرائیل کی بمباری 18ویں دن بھی جاری رہی۔
غزہ پر اسرائیلی دہشت گردی کے نتیجے میں شہید ہونے والوں کی تعداد بڑھ کر 5,791ہو گئی، جن میں 2,360 سے زیادہ بچے ، 1,100 سے زیدہ خواتین شامل ہیں اور 15,000 سے زائد افراد زخمی ہیں۔
غزہ کی حماس کے زیر انتظام وزارت صحت نے منگل کو ایک بیان میں کہا کہ اسرائیلی بمباری کے نتیجے میں گزشتہ 24 گھنٹوں کے دوران تقریباً 704 افراد شہید ہوچکے ہیں۔
غزہ پر اسرائیل شہریوں کا قتل عام جاری رکھے ہوئے ہے، رہائشی محلوں اور اسپتالوں پر بمباری جاری ہے ۔اسرائیلی بمباری سے تباہ عمارتوں کے ملبے سے زخمیوں نکالے جانے کا سلسلہ جاری ہے جبکہ مشینری نہ ہونے کی وجہ سے کنکریٹ کے ملبے میں دبے افراد کو نکالنے میں دشواری پیش آرہی ہے۔
دوسری جانب حماس نے مزید 2 اسرائیلی یرغمالی خواتین کو رہا کر دیا ہے۔
