نارووال:مسلم لیگ ن کے رہنما اور سابق وفاقی وزیر احسن اقبال نے کہا ہے کہ اگر معیشت کمزور ہو جائے تو کسی بھی ملک کا اسلحہ اور ٹینک بھی اسے بچا نہیں سکتے، سوویت یونین کی مثال ہمارے سامنے ہے۔
مسلم لیگ ن کے رہنما نے کہا کہ اسرائیل نے ظلم کا بازار گرم کیا ہوا ہے، اس کے پیچھے پورا مغرب کھڑا ہوا ہے، جہاں اس کے دیگر اسباب ہوں گے ان میں بڑا سبب علم سائنس اور ٹیکنالوجی کے اندر بالادستی ہے، مسلمانوں کی علم سائنس میں پستی ہے۔
انہوں نے کہا کہ ہمارے پاس سڑکوں پر نکل کا گاڑیاں توڑنے والے بہت ہیں، ہمارے پاس ایٹم کا سینہ چیرنے والے وہ دماغ نہیں ہیں جن کے ساتھ آج دنیا میں کسی قوم کو طاقت ملتی ہے، آج چاند پر کمند روس، امریکا اور بھارت ڈال چکے ہیں، کوئی مسلم ملک نہیں ہے جو چاند پر کمند ڈالنے کی صلاحیت رکھتا ہو۔