سابق وزیرِ اعظم اور پاکستان مسلم لیگ ن کے قائد نواز شریف آج رات 5 روزہ دورے پر چین روانہ ہوں گے۔
ذرائع کے مطابق نواز شریف آج رات نجی دورے پر چین روانہ ہوں گے ، وہ وہاں پر اپنا چیک اپ کرائیں گے۔
چین کے دورے میں نواز شریف چائنہ کمیونسٹ پارٹی کے رہنماؤں سے ملاقاتیں بھی کریں گے، نواز شریف کے دورے میں پنجاب کے ترقیاتی کاموں سے متعلق ملاقاتیں بھی ہوں گی۔
ذرائع کے مطابق اس موقع پر نواز شریف کے ہمراہ وزیرِ خارجہ اسحاق ڈار اور ان کے قریبی دوست بھی ہوں گے۔