راولپنڈی: ڈی جی آئی ایس پی آر میجر جنرل احمد شریف آر نے کہا ہے کہ ایس آئی ایف سی کا مقصد کسی ادارے کی جگہ لینا یا قبضہ کرنا نہیں، صرف اور صرف سہولت کاری کا ہے۔
رالپنڈی میں آئی ایس پی آر کی پریس بریفنگ کے دوران ڈی جی آئی ایس پی آر کا کہنا تھا کہ ایس آئی ایف سی (SIFC) ایک شفاف ایک ایسا ادارہ ہے جہاں اعلی پیشہ ورانہ صلاحیات کے حامل سول اور فوجی افسران مل کر باہمی تعاون سے ملک کی معیشت کو بہتر بنانے کے لیے کام کر رہے ہیں۔
آئی ایس پی آر کے مطابق افواج کی صلاحیات کو معیشت کی بہتری کے لئے دنیا بھر میں استعمال کیا جاتا لیکن پاکستان میں جھوٹ اورپروپیگینڈہ اس قدر بڑھ گیا ہے کہ ایسے مثبت اقدام کو بھی تنقید کی نظر سے دیکھا جاتا ہے۔
انہوں نے کہا ہے کہ اپنے قیام کے ایک سال سے کم عرصے میں ایس آئی ایف سی (SIFC) نے انتظامی، پالیسی سازی اور رابطہ کاری کی سطح پر بیش بہا خدمات انجام دی ہیں، گزشتہ ڈیڑھ ماہ میں سعودی عرب کی جانب سے کثیر سرمایہ کاری پر آمادگی اور پاکستان کے اقتصادی ماحول پر اعتماد ان کوششوں کا منہ بولتا ثبوت ہے۔