میڈرڈ:اسپین نے 27 ٹن دھماکا خیز مواد اسرائیل لے جانے والے بھارتی بحری جہاز کو اپنی بندر گاہ پر لنگر انداز ہونے سے روک دیا۔
ہسپانوی وزیر ٹرانسپورٹ کا کہنا تھا کہ مشرقی وسطیٰ کو مزید ہتھیاروں کی ضرورت نہیں، اب امن قائم کرنے کی ضروت ہے، ڈنمارک کے جھنڈے والا جہاز 27 ٹن دھماکہ خیز مواد بھارت سے اسرائیل کی بندرگاہ حیفہ لے جا رہا تھا۔
انہوں نےمزید کہاکہ اسرائیل کے ظالمانہ اقدام کا ہم حصہ نہیں بن سکتے، ہم دنیا میں امن قائم کرنے کے لیے جہدوجہد کررہے ہیں، فلسطین پر جاری مظالم پر عالمی برادری کو اپنا کردار ادا کرنا چاہیے۔
خیال رہے کہ 7 اکتوبر 2023 سے جاری غزہ میں اسرائیلی جارحیت کے خلاف اقوام متحدہ کی سلامتی کونسل میں جنگ بندی کی قرارداد منظور ہونے کے بعد بھی صیہونی فوجیوں کے مظالم کا سلسلہ جاری ہے، عالمی ادارے خاموش تماشائی بنے بیٹھے ہیں۔