اسلام آباد : ملک بھر میں بجلی کا شارٹ فال 5ہزار172میگاواٹ تک پہنچ گیا ہے ۔ ملک میں بجلی کی طلب 26 ہزار میگاواٹ ہے جبکہ پیداوار 20 ہزار 828 میگاواٹ ہے۔
زرائع کا کہنا ہے کہ پن بجلی ذرائع سے 7ہزار556 میگاواٹ بجلی پیدا ہورہی ہے۔ سرکاری تھرمل پاور پلانٹس 880 میگاواٹ بجلی پیدا کررہے ہیں۔
زرائع سے معلوم ہوا کہ نجی شعبے کے بجلی گھروں کی پیداوار 7 ہزار 880 میگاواٹ ہے۔ ونڈ پاور پلانٹس سے990 میگاواٹ بجلی پیدا ہورہی ہے۔
زرائع کے مطابق سولر پاور پلانٹس سے189بگاس سے 133اورنیوکلئیر پاور پلانٹس سے 3 ہزار 200 میگاواٹ بجلی پیدا ہورہی ہے۔ ملک بھر میں 6 گھنٹے تک بجلی کی لوڈ شیڈنگ جاری ہے ۔
ذرائع کا کہنا ہے کہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔