پاکستان تحریک انصاف کی رہنما زرتاج گل کو سنی اتحاد کونسل کی جانب سے قومی اسمبلی میں پارلیمانی لیڈر نامزد کر دیا گیا۔
بانی پی ٹی آئی عمران خان نے صاحبزادہ محبوب سلطان کی جگہ زرتاج گل کی پارلیمانی تقرری کی منظوری دے دی۔ اس سے قبل پنجاب سے صاحبزادہ محبوب سلطان کا نام پارلیمانی لیڈر کے لیے نامزد کیا گیا تھا۔
پیر کو سنی اتحاد کونسل کے سربراہ حامد رضا اسپیکر قومی اسمبلی کو زرتاج گل کی نامزدگی سے آگاہ کریں گے۔