واشنگٹن: امریکی صدر جو بائیڈن کے بیٹے ہنٹر بائیڈن کو جیوری نے فوجداری مقدمے میں مجرم قرار دے دیا۔
غیر ملکی میڈیا رپورٹس کے مطابق امریکی صدر جوبائیڈن کے بیٹے ہنر بائیڈن پر منشیات کے عادی ہونے کے باوجود ہتھیار رکھنے اور منشیات کے استعمال سے متعلق جھوٹ بولنے کے الزامات ثابت ہوگئے ہیں۔
میڈیا کے مطابق ہنٹر بائیڈن کو زیادہ سے زیادہ 25 برس قید اور ساڑھے سات لاکھ ڈالر جرمانے کی سزا ہوسکتی ہے۔ تاہم پہلی بار جرم کا ارتکاب کرنے کے باعث سزا کم سے کم ہونے کا امکان ہے۔ امریکی تاریخ میں پہلی بار کسی برسراقتدار امریکی صدر کے بیٹے کو سزا ہوئی ہے۔
