واشنگٹن (انٹرنیشنل ڈیسک) امریکی ریاست کیلیفورنیا میں ایک چھوٹے نجی طیارے کے حادثے کے نتیجے میں 2افراد ہلاک ہو گئے۔ خبررساں اداروں کے مطابق ایک انجن والا طیارہ شمالی کیلیفورنیا میں جنوبی تاہوئے جھیل کے علاقے کے قریب پہاڑی علاقے میں گر کر تباہ ہو گیا۔حکام کا کہنا ہے کہ واقعے کی اطلاع ملتے ہی جائے وقوع کی جانب امدادی ٹیموں کوروانہ کردیا گیا۔ حادثے میں ہلاک ہونے والے افراد کی لاشیں اسپتال منتقل کردی گئیں۔ حکام کا مزید کہنا ہے کہ حادثے کی وجہ جاننے کے لیے تحقیقات شروع کردی گئی ہے۔
