واشنگٹن (انٹرنیشنل ڈیسک) امریکا میں صدارتی انتخابات کے سلسلے میں صدر جو بائیڈن اور سابق صدر ڈونلڈ ٹرمپ کے درمیان پہلا صدارتی مباحثہ 27 جون کو ہو گا۔ خبررساں اداروں کے مطابق 81 سالہ صدر جو بائیڈن ڈیموکریٹس اور 78 ڈونلڈ ٹرمپ ری پبلکن کے امیدوار ہیں۔ آزاد امیدوار رابرٹ ایف کینیڈی جونیئر کو مباحثے میں شامل نہیں کیا گیا۔ امریکی ٹی وی چینل پر ہونے والا صدارتی مباحثہ 90 منٹ پر مشتمل ہو گا۔مباحثے میں نوٹس لانا ممنوع ہوگا۔ اس کے علاوہ سخت الفاظ بولنے کی حد مقرر ہوگی۔ واضح رہے کہ امریکا میں صدارتی انتخابات رواں برس 5 نومبر کو ہوں گے۔