نئی دہلی (انٹرنیشنل ڈیسک) بھارتی ریاست مدھیہ پردیش میں سرحدی سیکورٹی فورس کی بی ایس ایف اکیڈمی سے 2 خواتین اہلکار ایک ماہ سے پْراسرار طور پر لاپتا ہیں۔ بھارتی میڈیا کے مطابق لاپتا ہونے والی دونوں خواتین کانسٹیبل کی شناخت انکشا نکھر اور شاہانہ خاتون کے ناموں سے ہوئی جو گوالیار کے ٹیکن پور میں واقع بی ایس ایف کی اکیڈمی میں بطور ٹرینر تعینات تھیں۔ اکیڈمی سے اچانک غائب ہونے کے بعد سے فون ریکارڈ اور سی سی ٹی وی فوٹیج کے ذریعے ان کی تلاش شروع کردی گئی تاہم ایک ماہ گزر جانے کے باوجود دونوں کا کوئی سراغ نہ مل سکا۔
