ریاض (انٹرنیشنل ڈیسک) سعودی ولی عہد شہزادہ محمد بن سلمان نے روس اور فرانس کے صدور سے ٹیلی فون پر رابطہ کیا،جس میں علاقائی اور بین الاقوامی امور پر تبادلہ خیال کیا گیا۔ سعودی وزارت خارجہ کے مطابق شہزادہ محمد بن سلمان نے روسی صدرولادیمیرپیوٹن اور فرانسیسی صدر عمانویل ماکروں سے غزہ کی تازہ ترین صورتحال اور روس اور یوکرین کے مابین کشیدگی کے حوالے سے گفتگو کی ۔ یاد رہے کہ روسی صدر پیوٹن نے گزشتہ برس کے اختتام پر سعودی عرب کا دورہ کیا تھا۔ انہوں نے ریاض کے قصر یمامہ میں شہزادہ محمد بن سلمان سے ملاقات کی تھی۔