ہیوسٹن: امریکی کانگریس میں پاکستان کاکس کی چیئرپرسن شیلا جیکسن لی انتقال کرگئیں۔
امریکی میڈیا کے مطابق 74 سالہ شیلا جیکسن کا تعلق ڈیموکریٹ پارٹی سے تھا جبکہ وہ کینسر میں مبتلا تھیں۔
شیلا جیکسن لی ریاست ٹیکساس سے سب سے زیادہ عرصے تک کانگریس کے رکن رہنے والوں میں شامل تھیں۔
حکومت پاکستان نے شیلا جیکسن کی خدمات کے اعتراف میں 2022 میں ہلال پاکستان سے نوازا تھا۔
شیلا جیکسن نے اپنے سیاسی کیرئیر کا آغاز 1994 میں ڈیموکریٹ پارٹی کی جانب سے کیا اور پہلے ہی پرائمری الیکشن میں 4 مرتبہ کے فاتح ڈیموکریٹ کریگ واشنگٹن کو شکست سے دوچار کیا۔
واضح رہے کے شیلا جیکسن لی نے مختلف معاملات پر دوٹوک موقف اختیار کرتے ہوئے پاکستان کی حمایت کی۔