گوجرانوالہ(مانیٹرنگ ڈیسک)گوجرانوالہ میں بجلی کے بل سے تنگ خاتون نے خودکشی کر لی۔ واقعہ کی سی سی ٹی وی فوٹیج سامنے آگئی۔ جس میں خاتون کو نالے میں چھلانگ لگاتے دیکھا جاسکتا ہے۔آخری اطلاع آنے تک خاتون کی لاش کی تلاش کے لیے ریسکیو آپریشن جاری تھا۔ ورثاء کا کہنا ہے کہ رضیہ بی بی نے بجلی کابل جمع کرانے کے بعد خودکشی کی۔ورثاء نے مزید بتایا کہ رضیہ بی بی بیمار تھی اور علاج چل رہا تھا، گھر میں جو پیسے تھے اس کا بجلی کا بل جمع کرا دیا تھا۔پولیس کا کہنا ہے کہ واقعہ کی تحقیقات کی جا رہی ہیں۔