اسلام آباد:وزیراعظم نے بجلی کے بلز کی آخری تاریخ میں 10 دن کی توسیع کی ہدایت جاری کردی۔
پاور ڈویژن کی جانب سے اس حوالے سے باقاعدہ اعلامیہ جاری کیا گیا ہے، جس کے مطابق وزیراعظم شہباز شریف نے بجلی کی تمام تقسیم کار کمپنیوں کو حکم دیا ہے کہ بجلی کے بلوں کی ادائیگی کے لیے صارفین کو مقررہ تاریخ میں 10 دن کی توسیع دے دی جائے۔
وزیراعظم کی جانب سے بجلی صارفین کی مشکلات کو پیش نظر رکھتے ہوئے بل جمع کرانے کی آخری تاریخ میں توسیع کی ہدایت جاری کی گئی ہے۔
اعلامیے میں مزید کہا گیا ہے کہ بجلی کے جولائی اور اگست کے بلز کی ادائیگی کی آخری تاریخ میں 10 دن کی توسیع ہوگی۔
