لاہور: پنجاب حکومت نے جماعت اسلامی کے گرفتار رہنماؤں اور کارکنوں کو رہا کرنے کا فیصلہ کیا ہے۔
،ذرائع کے مطابق جماعت اسلامی کے گرفتار مقامی کارکنوں اور ورکرز کی رہائی کا فیصلہ وفاقی حکومت کی سفارش پرکیا گیا حکومتی مذاکراتی کمیٹی اور جماعت اسلامی کے درمیان ہونے والے مذاکرات میں ہونے والی پیشرفت کے تحت جماعت اسلامی کے کارکنوں کو رہا کرنے کا فیصلہ کیا گیا ہے۔
ذرائع کا بتانا ہے کہ جماعت اسلامی کے گرفتار رہنماؤں اور کارکنوں کو آج رہا کر دیا جائے گا۔
واضح رہے کہ جماعت اسلامی کا مہنگائی اور بجلی بلوں میں ٹیکس کے خلاف دھرنا راولپندی کے لیاقت باغ میں تاحال جاری ہے۔