بھارت کی ریاست بہار کے ضلع جہان آباد کے ایک مندر میں بھگدڑ کے نتیجے میں 7 زائرین ہلاک اور بیسیوں زخمی ہوگئے۔ مرنے والوں میں پانچ خواتین ہیں۔
پولیس نے بتایا کہ بابا سِدھ ناتھ مندر میں گنجائش سے کہیں زیادہ زائرین جمع ہوگئے تھے۔ یہ لوگ ایک تقریب میں شرکت کے لیے پہنچے تھے۔ انتظامی امور ناقص تھے۔ شدید گرمی کے باعث متعدد افراد بے ہوش بھی ہوئے۔
یہ معلوم نہیں ہوسکا کہ بھگدڑ کیوں مچی تھی۔ عام طور پر ایسی تقریبات میں بھگدڑ اس وقت مچتی ہے جب کوئی بڑی شخصیت آتی ہے اور اس کی سیکیورٹی پر مامور افراد راستہ بنانے کے نام پر لوگوں کو مار پیٹ کر دور کرتے ہیں۔
