تل ابیب :اسرائیلی فوج نے غزہ کی جنگ میں حماس سے شکست کا اعتراف کرتے ہوئے کہا ہےکہ غزہ کی جنگ میں یرغمال بنائے گئے فوجیوں کی رہائی صیہونی فورسز کی کارروائیوں سے ناممکن ہے۔
میڈیا رپورٹس کے مطابق اسرائیلی فوج کے مختلف عہدیداروں نے صحافیوں سے گفتگو کرتےہوئے کہاکہ اب تک ہم ایک بھی یرغمالی حماس سے آزاد نہیں کرا پائے ہیں، گزشتہ روز بھی ہمارے آپریشن کے بعد 6 اسرائیلی قیدیوں کی لاشیں ملیں ہیں، موت کی وجوہات جاننے کے لیے تحقیقات شروع کرنے کا حکم دے دیا گیا ہے۔
خیال رہے کہ اسرائیلی فورسز نے گزشتہ روز وسطی غزہ کی پٹی کے علاقے خان یونس میں ایک سرنگ کے اندر خفیہ معلومات کی بنیاد پر جارحانہ آپریشن کیا تھا، جس کے مکمل ہونے کے بعد انہیں 6اسرائیلی قیدیوں کی لاشیں ملیں۔
