ریاض (انٹرنیشنل ڈیسک) سعودی وزارت حج و عمرہ نے براہِ راست عمرہ پروگرام کا اعلان کردیا، جس کے تحت کمپنیاں بغیر کسی ایجنٹ کے براہِ راست زائرین کو خدمات فراہم کر سکیں گی ۔ اس اقدام کا مقصد سعودی عرب میں تاریخی مقامات کے دورے اور پْرکشش مقامات کو دریافت کرکے زائرین کے تجربات میں اضافہ کرنا ہے۔ وزارت حج و عمرہ کے تحت مکہ مکرمہ میں عمرہ تنظیموں کا اجلاس منعقد کیا گیا، جس کی سربراہی سعودی وزیر حج اور عمرہ توفیق الربیعہ نے کی۔ اجلاس میں اعلیٰ معیار کی خدمات کو یقینی بنانے کے لیے چیلنجوں کے حل پیش کیے گئے۔