تھائی لینڈ میں ریسکیو ورکرز نے بتایا ہے کہ گزشتہ روز حادثے کا شکار ہونے والے چارٹرڈ میں سوار افراد میں سے کوئی بھی بچ نہیں سکا ہے۔ اس چارٹرڈ فلائٹ میں پائلٹ سمیت 9 افراد سوار تھے۔
یہ طیارہ ایک گھنے جنگل میں گرا تھا۔ ریسکیو ورکرز کو غیر معمولی دشواریوں کا سامنا کرنا پڑا۔ طیارے کا کنٹرول ٹاور سے رابطہ منقطع ہوگیا تھا جس کے چند لمحوں بعد ہی وہ گر کر تباہ ہوگیا۔ عینی شاہدین نے بتایا کہ طیارہ آن کی آن میں زمین پر آ گرا۔
جہاں طیارہ گرا وہاں بارشوں کے باعث دلدل بنی ہوئی ہے جس کے باعث ریسکیو ورکرز کو شدید مشکلات کا سامنا کرنا پڑا۔ اس طیارے میں پانچ چینی سیاح اور چار تھائی باشندے سوار تھے۔ سیسنا کاراوان C208B طیارہ تھائی لینڈ کے دارالحکومت بنکاک سے 100 کلومیٹر دور گرا۔