پاکستان تحریک انصاف (پی ٹی آئی) کے رہنما شیر افضل مروت کے حجرے میں اچانک آگ لگ گئی جس کی وجوہات کا تاحال پتہ نہیں چل سکا ہے۔
رپورٹ کے مطابق پی ٹی آئی کے مقامی رہنما شیر افضل مروت کے حجرے میں آج صبح اچانک آگ بھڑک اٹھی۔ مقامی ذرائع نے کہا کہ آگ کے نتیجے میں حجرے میں موجود سامان جل کر خاکستر ہو گیا ہے۔ آگ لگنے کی خبر ملتے ہی فائر بریگیڈ کی ٹیم موقع پر پہنچ گئی اور آگ پر قابو پایا۔
حجرے میں آگ لگانے کی وجہ ابھی تک معلوم نہیں ہو سکی ہے تاہم متعلقہ حکام اس واقعے کی تحقیقات کر رہے ہیں۔ آگ لگنے کے وقت شیر افضل مروت حجرے میں موجود نہیں تھے، جس کی وجہ سے جانی نقصان سے بچا جا سکا۔
عینی شاہدین کا کہنا ہے کہ “آگ تیزی سے پھیل رہی تھی، لیکن فائر بریگیڈ کی بروقت کارروائی سے مزید نقصان ہونے سے بچا لیا گیا۔”