لاہور: ڈومیسٹک لیگ چیمپئنز ون ڈے کپ کے کپتانوں اور اسکواڈز کا اعلان کر دیا گیا۔
پاکستان کرکٹ بورڈ (پی سی بی) کے مطابق سعود شکیل کو ڈولفنز، شاہین آفریدی لائنز اور شاداب خان کو پینتھرز کا کپتان مقرر کیا گیا ہے جب کہ محمد حارث اسٹالینز اور محمد رضوان بھیڑیوں کے کپتان ہوں گے۔
اس کے علاوہ ہر ٹیم کے 20 رکنی اسکواڈ کا بھی اعلان کیا گیا اور بابر اعظم کو اسٹالینز ٹیم میں شامل کیا گیا۔
پی سی بی کے مطابق افتتاحی میچ وولوز اور پینتھرز کے درمیان 12 ستمبر کو کھیلا جائے گا۔
پی سی بی کے مطابق سینٹرل کنٹریکٹ رکھنے والے کرکٹرز کے فٹنس ٹیسٹ 7 اور 9 ستمبر کو ہوں گے۔
واضح رہے کہ چیمپئنز ون ڈے کپ 12 سے 29 ستمبر تک فیصل آباد میں کھیلا جائے گا اور ہر ٹیم میں سینٹرل کنٹریکٹ یافتہ کرکٹرز بھی شامل ہیں۔
