ابوجا (انٹرنیشنل ڈیسک) نائیجیریا میں سیلاب کے باعث 3لاکھ سے زائد افراد بے گھر ہوگئے۔ خبررساں اداروں کے مطابق نائیجیریا میں گزشتہ ہفتے کے اوائل میں شمال مشرقی شہر میدوگوری میں آنے والے سیلاب نے تباہی مچائی تھی۔ سرکاری اعداد و شمار کے مطابق اس دوران تقریباً 37 افراد ہلاک ہو ئے،جب کہ 10لاکھ سے زائد افراد سیلاب سے متاثر ہوئے۔ حکام کا کہنا ہے کہ حالیہ سیلاب 30 سالوں میں سب سے زیادہ تباہ کن ہے۔ شدید بارش کی وجہ سے الاؤ ڈیم جو کہ مائیڈگوری سے صرف چند کلومیٹر کے فاصلے پر واقع ہے، 1994 ء کے بعد تیسری بار ٹوٹ گیاتھا۔