تل ابیب: وسطی اسرائیل کے علاقے بیت گُوری میں واقع فوجی تربیت کے ایک مرکز میں پیر کی صبح چاقو سے حملے کا واقعہ رونما ہوا۔ یہ انتہائی حساس علاقہ ہے۔ اسرائیلی فوج نے اس حوالے سے کوئی باضابطہ بیان جاری نہیں کیا ہے۔
ٹائمز آف اسرائیل نے بتایا کہ ایک شخص نے چاقو سے حملہ کرکے کئی افراد کو زخمی کرنے کی کوشش کی اور اس کوشش میں وہ ایک خاص حد تک کامیاب بھی ہوا۔ یہ شخص کون تھا، کہاں سے آیا تھا اس حوالے سے کچھ بھی نہیں بتایا گیا ہے۔
اسرائیلی کے اندرونی یعنی وسطی علاقوں میں ایسے واقعات کم ہی ہوتے ہیں کیونکہ خفیہ اداروں کا نیٹ ورک پوری توانائی کے ساتھ کام میں لگا رہتا ہے اور سیکیورٹی فورسز بھی کسی بھی ناخوش گوار واقعے سے نپٹنے کے لیے ہمہ وقت تیار رہتی ہیں۔