نیویارک (انٹرنیشنل ڈیسک) جاپان کے وزیر اعظم فومیو کشیدا اور منگولیا کے صدر اخنا خریلسکھ نے دو طرفہ دفاعی تعاون کے معاہدے پر جلد دستخط کرنے پر اتفاق کرلیا۔ نیویارک میں بات چیت کے دوران دونوں رہنماؤں نے دفاعی ساز و سامان اور ٹیکنالوجی کی منتقلی کے معاہدے پر جلد از جلد دستخط کرنے پر بھی اتفاق کیا۔انہوں نے اعادہ کیا کہ عالمی سطح پر بڑھتے ہوئے تنازعات اور اختلافات کے تناظر میں تعلقات کو مضبوط بنایا جائیگا۔