روم (انٹرنیشنل ڈیسک) اٹلی کے جنوبی صوبے نیپلز میں دھماکے سے 2منزلہ عمارت گرگئی جس کے نتیجے میں ایک ہی خاندان کے 4 افراد ہلاک ہو گئے۔ مقامی میڈیا کے مطابق اس حادثے میں ہلاک ہونے والوں میں ماں، 2بچے اور ان کی دادی شامل ہے۔ اس کے علاوہ ایک بیٹے اور والد کی حالت تشویشناک بتائی جارہی ہے۔ پولیس کے مطابق دھماکا گیس لیکج کے سبب ہوا۔ فائر فائٹرز کے ترجمان کا کہنا تھا کہ ریسکیو کا کام بہت محتاط طریقے سے کیا جارہا ہے تاکہ عمارت کے بچ جانے والے حصے کو مزید منہدم ہونے سے بچایا جاسکے۔