لندن (انٹرنیشنل ڈیسک) برطانیہ کے مختلف ریلوے اسٹیشنوں کے سسٹم پر سائبر حملہ ہوگیا،جس کے بعد ہیکروں نے وائی فائی ہیک کرکے یورپ پر حملے کا پیغام چلا دیا ۔ متاثرہ اسٹیشنوں میں لندن یوسٹن، مانچسٹر پکاڈلی، برمنگھم نیو اسٹریٹ اور گلاسگو سینٹرل شامل ہیں۔ ریلوے نیٹ ورک کے ترجمان کا کہنا تھا کہ متاثرہ اسٹیشنوں پر وائی فائی بند کرکے سائبر سیکورٹی کے ماہرین واردات سے نمٹنے کی کوشش کررہے ہیں۔
