محراب پور(جسارت نیوز)نجی میڈیکل سینٹر میں زچگی دوران خاتون جاں بحق، ڈاکٹر پر مبینہ غلفت کا الزام، ورثا کا احتجاج، آج مورو پولیس تھانہ کی حدود میں حبیب میڈیکل سینٹر میں زچگی آپریشن کے دوران مسمات مسکان زوجہ سرفراز سولنگی ڈاکٹر کی مبینہ غلفت کے باعث جاں بحق ہو گئی، سولنگی برادری نے شوہر سرفراز سولنگی، مظہر عمرانی کی قیادت میں نجی میڈیکل سینٹر کے باہر خاتون کی نعش سمیت احتجاج کرتے ہوئے حبیب میڈیکل سینٹر کے ڈاکٹر پر غفلت کا الزام عائد کرتے ہوئے مقدمے کا مطالبہ کیا۔اس موقع ایس ایچ او مورو راجا نوید سرفراز نے مظاہرین سے مذاکرات کیے اور پوسٹ مارٹم رپورٹ کی روشنی میں میڈیکل سینٹر انتظامیہ کیخلاف مقدمہ کی یقین دہانی کرائی جس پر سولنگی برادری نے احتجاج ختم کر دیا۔