انقرہ (انٹرنیشنل ڈیسک) تُرک فوج نے عراق کے شمال میں 21 اور شام کے شمال میں ایک جنگجو کو ہلاک کردیا۔ وزارت دفاع نے بیان میں کہا کہ علاحدگی پسند دہشت گرد اپنے انجام سے بچ نہیں سکتے۔ بیان میں کہا گیا کہ ترک فوج نے عراق کے شمال میں غارہ اور اسوس کے علاقوں میں پی کے کے کے 21 دہشت گردوں اور شام کے شمال میں فرات کی ڈھال کے علاقے میں ایک دہشت گرد کو ٹھکانے لگادیا۔ بیان میں اس بات پر زور دیا گیا ہے کہ دہشت گرد جہاں بھی ہوں گے ان کا پیچھا نہیں چھوڑ ا جائے گا۔ واضح رہے کہ ترکیہ کرد علاحدگی پسندوں کو دہشت گرد قرار دیتا ہے۔