کراچی:صوبائی وزیر اطلاعات سندھ شرجیل میمن کاکہنا ہے کہ انصاف سب کے لیے ہونا چاہیے صرف مخصوص افراد کے لیے نہیں، عدالتیں پسند، ناپسند پر فیصلے نہیں کرتیں، کہاں لکھا ہے تھپڑ مارو، ڈیم فنڈ میں پیسے جمع کرادو؟ سابق چیف جسٹس افتخار چوہدری، ثاقب نثار اور عمر عطا بندیال سے حساب ہونا چاہیے۔
صوبائی وزیر نے کہا کہ ایک شخص کے کالے کرتوت چھپا کر فرشتہ بنا کر پیش کرنے کی کوشش کی گئی، اسمبلی توڑنے پر بانی پی ٹی آئی اور ہمنواں کیخلاف آرٹیکل 6 کی کارروائی کیوں نہیں کی گئی۔
انہوں نے مزید کہا کہ چیئرمین پیپلز پارٹی ذاتی طور پر کوششیں کر رہے ہیں کہ تمام پارٹیز سے بات چیت ہو، لاکھوں مقدمات اب تک زیرِ التوا ہیں۔