لاہور : مسلم لیگ(ن)کے صدر نواز شریف کاکہنا ہے کہ اچھا ہوتا اگر بھارتی وزیر اعظم نریندر مودی شنگھائی تنظیم (ایس سی او )کی کانفرنس میں شریک ہوتے۔
میڈیا رپورٹس کے مطابق نواز شریف نے وزیر اعلیٰ پنجاب مریم نواز کے ہمراہ بھارتی صحافی سے ملاقات کرتےہوئے کہا کہ ہم ہمیشہ سے بھارت کے ساتھ اچھے تعلقات کے حامی رہے ہیں، ہمیں پاک بھارت تعلقات کی بحالی کا ایک موقع نظر آرہا ہے۔
انہوں نے مزید کہاکہ امید ہے وہ اور نریندر مودی بہت جلد ساتھ بیٹھنے کا کوئی موقع تلاش کریں گے، جس کے بعد دونوں ممالک کے تعلقات بہتر ہوجائیں گے۔
خیال رہےکہ بھارتی وزیرخارجہ جے شنکر نے پاکستان کادورہ کرتے ہوئے مثبت سوچ قائم کی ہے، بھارتی وزیر خارجہ کے ساتھ بھارتی صحافیوں کی بھی ایک بڑی تعداد ایس سی او میں شرکت کررہی ہے۔