ہالا(نمائندہ جسارت )نیوسعیدآباد کے قریب تیزرفتار رکشہ الٹ گیا ،3 بچیاں جاںبحق ، حادثہ کاسنتے ہی بچوں کا رشتہ دار بھی چل بسا۔تفصیلات کے مطابق نیوسعیدآباد کے قریب پیر فضل الحق شاہ راشدی گائوں سے نیوسعیدآباد جانیوالارکشہ تیز رفتاری کے باعث الٹ کر نہر میں گرگیا جس سے ایک 3 سالہ بچی نورجہان ملاح ، 1 سالہ پارسا ملاح اور رابعہ ملاح سمیت تین بچیاں جاںبحق ہوگئیں جنہیں مقامی اسپتال منتقل کیا گیا جب کہ اسی رکشہ میں ان کا والد شدید زخمی ہوگیا ،واقعے کاسن کر اہلخانہ میں کہرام مچ گیا ، خبر سنتے ہی بچیوں کا 55 سالہ رشتہ دار دادا ملوک ملاح دل کادورہ پڑنے سے انتقال کرگیا ،واقعے پر علاقے کہرام مچ گیا۔
