اسلام آباد: وفاقی کابینہ کا آئینی ترمیم کی منظوری کے لیے ہونے والا ہنگامی اجلاس بغیر کارروائی کے ملتوی ہوگیا۔
نجی ٹی وی کی رپورٹ کے مطابق وزیراعظم شہباز شریف کی صدارت میں آئینی ترمیم کے مسودے کی منظوری کے لیے وفاقی کابینہ کا ہنگامی اجلاس کسی کارروائی کے بغیر کل صبح ساڑھے 9 بجے تک ملتوی کردیا گیا۔
وزیراعظم شہباز شریف کی زیر صدارت وفاقی کابینہ کا اجلاس شام ساڑھے 7 بجے شروع ہوا، جس میں وفاقی وزرا، کابینہ اراکین شریک ہوئے۔ اعلامیے کے مطابق آج کے اجلاس کو بغیر کسی کارروائی کے صبح 11 بجے تک ملتوی کردیا گیا ہے۔
وفاقی کابینہ کی منظوری کے بعد آئینی ترمیم کو منظوری کیلیے سینیٹ میں پیش کیا جائے گا اور پھر امکان ہے کہ کل اسے قومی اسمبلی سے منظور کروایا جائے گا۔