اسلام آ باد:سینیٹر فیصل سبزواری نے کہا ہے کہ بلدیاتی نظام کو بہتر بنانے کے لیے ضروری ہے کہ فعال بلدیاتی حکومتیں ہوں یا پھر نئے صوبے بنانا ہونگے۔
فیصل سبزواری نے کہا کہ بدقسمتی سے بلدیاتی حکومتوں کا جو قانون ہے وہ اختیار نہیں دیے جاتے، وزیرقانون نے کہا اسپیشل کمیٹی کام کرتی رہے گی اور بلدیاتی اختیارات کا معاملہ 27ویں آئینی ترمیم میں لایا جائیگا۔
انھوں نے مزید کہا کہ کسی بھی صوبے میں بلدیاتی حکومتوں کو اختیارات نہیں دیے گئے، ہم سے پوچھا جاتا ہے ترمیم میں عوام کی بہتری کیا ہے، عدالتوں سے جلد انصاف ملنا شروع ہو تو یہ عوام کی بہتری ہے، عوام کی بہتری اسی چیز میں ہے کہ عام لوگوں کو انصاف ملے۔