واشنگٹن: امریکی ڈیموکریٹک صدارتی امیدوار کاملا ہیرس کی گاڑی حادثے سے بال بال بچ گئی۔
غیرملکی خبر رساں ادارے کی رپورٹ کے مطابق ریاست وسکونسن کے شہر ملواکی کے دورے کے دوران امریکی صدارتی امیدوار ملاہیرس کے قافلے کے قریب تیز رفتار گاڑی آگئی تھی۔
رپورٹس میں دعوی کیا گیا ہے کہ گاڑی چلانے والا شخص نشے کی حالت میں تھا اور اس کی عمر 55 سال کی تھی ملزم اسی شہر کا رہائشی ہے، نشے کی حالت میں گاڑی چلانے پر ملزم کو گرفتار کرلیا گیا۔
خیال رہے کہ امریکا کے صدارتی انتخابات میں دو ہفتے سے بھی کم وقت رہ گیا ہے، کاملا ہیرس کو خدشہ ہے کہ سابق امریکی صدر ڈونلڈ ٹرمپ نتائج سے قبل جیت کا دعوی کرسکتے ہیں۔