راولپنڈی: انسداد دہشت گردی عدالت راولپنڈی نے جلاؤ گھیراؤ کیس میں پی ٹی آئی رہنما اعظم سواتی کا مزید 7 روزہ جسمانی ریمانڈ منظور کرلیا۔
انسداد دہشت گردی عدالت کے جج امجد علی شاہ نے پی ٹی آئی رہنما اعظم سواتی کے جسمانی ریمانڈ کی درخواست پر سماعت کی۔
پی ٹی آئی رہنما اعظم سواتی کو 2 روزہ جسمانی ریمانڈ مکمل ہونے پر انسداد دہشتگردی عدالت راولپنڈی میں پیش کیا گیا۔
دوران سماعت پولیس کی جانب سے اعظم سواتی کے مزید جسمانی ریمانڈ کی استدعا کی گئی جس پر عدالت نے اعظم سواتی کا مزید 7 روز کا جسمانی ریمانڈ منظور کرتے ہوئے 14 نومبر کو پیش ہونے کا حکم دے دیا۔
واضح رہے کہ اعظم سواتی پر جلاؤ گھیراؤ، توڑ پھوڑ، ہنگامہ آرائی اور کار سرکار میں مداخلت کا الزام ہے۔