ٹنڈوالہیار (نمائندہ جسارت) حیسکو ٹنڈوالہیار کو تباہ کر نے والا ایل ایم ٹو ایف آئی اے کے ریڈار پر آگیا، ایف آئی اے حید رآباد کی ٹیم نے حیسکو ٹنڈوالہیار میں تعینات ایل ایم ٹو مظہر حسین سہتو کو حیسکو کو لاکھوں روپے کا نقصان پہنچنے اور رشوت لینے پر گر فتار کر کے حیدرآباد میں مقد مہ درج کر لیا۔ ٹنڈوالہیار میں غیر قانونی چلنے والے بجلی کے کنڈا سٹم کی سر پر ستی کر نے کے الزام اور ادارے کو لاکھوں روپے کا نقصان پہنچنے پر ایف آئی اے کی ٹیم کے انسپکٹر محمد بخش نے ٹنڈوالہیار میں کارروائی کر تے ہوئے ایل ایم ٹو مظہر سہتو کو حیسکو کمپنی کو لاکھوں روپے نقصان پہنچنے کے الزام میں گر فتار کر کے شفیق احمد میمن ڈی جی ایچ آر ایڈ من کی درخواست پر مقدمہ درج کر لیا۔