سیول (انٹرنیشنل ڈیسک) جنوبی کوریا صنعتی شعبے میں 10 فی صد سے زیادہ افرادی قوت کو روبوٹ سے بدلنے والا دنیا کا پہلا ملک بن گیا ۔ ورلڈ روبوٹک 2024 ء کے سالانہ سروے کے مطابق جنوبی کوریا میں 10 ہزار ملازمین کے درمیان 1102 روبوٹوں کو کام پر رکھا جاتا ہے۔ جنوبی کوریا کے بعد سنگاپور دوسرے نمبر پر ہے جہاں 10 ہزار ملازمین میں 770 روبوٹ ملازم ہوتے ہیں۔ جنوبی کوریا میں الیکٹرانک، آٹوموبائل اور صنعتی شعبوں کے ساتھ اسپتال سے لے کر ریستوران تک روبوٹوں کو مختلف جگہوں پر کام کے لیے رکھا جارہا ہے،جس سے روزگار کے مواقع ختم ہونے کے خدشات بڑھ رہے ہیں۔