حیدرآباد (اسٹاف رپورٹر) گورنمنٹ گرلز ڈگری کی پرنسپل پروفیسر نائلہ جروار نے کہا ہے کہ کالج کے عملے کے بغیر کوئی پروگرام ممکن نہیں، میرے کالج کے اساتذہ اور اسٹاف کی دن رات کی جہدوجہد سے ہفتہ طلبہ ممکن ہوا ہے۔ ان خیالات کا اظہار انہوں نے اسٹاف کے ارکان میں یونیفارم اور تعریفی اسناد کی تقسیم کے موقع پر کیا۔ انہوں نے کہا کہ تمام انتظامی عملے کے ارکان کواجرک اور تعریفی سرٹیفکیٹ کی پیشکش شامل تھی۔ اس موقع پرسابق سپرنٹنڈنٹ محمد فہیم خان کی الوداعی اور نئے سپرنٹنڈنٹ عبدالوحید شیخ کو خوش آمدید کہا۔ پرنسپل پروفیسر نائلہ جروار نے کہا کہ میری تمام سینئر اور جونیئر اساتذہ نے ہفتہ طلبہ کے تمام پروگراموں کو شاندار بنایا اور میڈیا کوآرڈیینٹر ریحانہ بھٹی چیف ڈائریکٹر فزیکل ایجوکشن نے تمام کالج کی سرگرمیوں کو پرنٹ میڈیا میں بھرپور کوریج دلا کر کالج کا نام روشن کیا۔ اس موقع پر مس سمینہ، مس ریحانہ بھٹی، مس بے نظیر جونیجو، مس کوثر پروین، مس ارم، مس سکینہ، مس آفتاب، ڈاکٹر فرخندہ، عارفہ ذائی موجود تھیں، کالج پرنسپل ہفتہ طلبہ تعاون کرنے پر مس عظمیٰ کا شکریہ ادا کیا۔