پی ٹی آئی رہنما فیصل جاوید نے کہا ہے کہ پاکستان میں سیاسی انتقام کا ریکارڈ بن گیا ہے۔
پشاور ہائی کورٹ کے باہر میڈیا سے گفتگو کرتے ہوئے پاکستان تحریک انصاف (پی ٹی آئی) کے رہنما فیصل جاوید کا کہنا تھا کہ سب سے زیادہ ایف آئی آرز عمران خان کے خلاف درج کی گئی ہیں،ایک طرف مذاکرات کر رہے ہیں، دوسری طرف ہمارے ورکرز کو پکڑ رہے ہیں۔
انہوں نے کہا کہ عمران خان کو سیاسی انتقام کا نشانہ بنایا جا رہا ہے،وہ دن دور نہیں جب عمران خان واپس آئیں گے۔
فیصل جاوید نے کہا کہ پاکستان میں سیاسی انتقام کا ریکارڈ بن گیا ہے، مذاکرات کا تحریری جواب دینا یا نہ دینا مذاکراتی کمیٹی کے ہاتھ میں ہے۔