منسک (انٹرنیشنل ویب ڈیسک) بیلاروس میں ویزا فری پروگرام کی سہولت پر تاحال 1 لاکھ 67 ہزار غیر ملکیوں کی آمد ریکارڈ کی گئی ہے۔
غیر ملکی رپورٹ کے مطابق بیلاروس میں 38 ممالک کے لیے ویزا فری پروگرام کی سہولت کے تحت یکم جنوری سے تاحال1 لاکھ 67 ہزار سے زائد غیر ملکیوں کی آمدکو ریکارڈ کیا گیا ہے ۔
نیوز ایجنسی کی رپورٹ کے مطابق یکم جنوری کے بعد سب سے زیادہ مسافر بیلاروس کے ہمسایہ ممالک لتھوانیا، لٹویا اور پولینڈ سے آئے ہیں۔
یہ بات بھی علم میں رہے کہ حکومتی شماریاتی رپورٹ کے مطابق بیلاروس کی اسٹیٹ بارڈر کمیٹی کے مطابق 15 اپریل 2022 ءسے اب تک 11 لاکھ 99 ہزار 242 یورپی شہری بیلاروس کا دورہ کر چکے ہیں، جن میں 3 لاکھ 83 ہزار 659 لٹویا ، 6 لاکھ 46 ہزار 199 لتھوانیا اور 1 لاکھ 21 ہزار 758 پولینڈ کے شہری شامل ہیں۔
بیلاروس میں ویزا کی سہولت‘ 1 لاکھ 67 ہزار غیر ملکیوں کی آمد
القمر