جے پور: جے پور سٹی ویمنس کانگریس کی ضلعی صدر منجو لتا مینا کی طرف سے 14 دسمبر کو دہلی کے رام لیلا میدان میں کانگریس کی ملک گیر ریلی کے دوران وزیر اعظم نریندر مودی کے خلاف “ووٹ چور گڈی چھوڑ” (ووٹ چور گدی چھوڑیں) پر لگائے گئے متنازع نعروں نے پارٹی کو پریشانی میں ڈال دیا ہے۔
کئی مرکزی بی جے پی قائدین کے ساتھ ساتھ ریاستی قائدین نے جے پور سٹی ویمنس کانگریس ضلع صدر کے متنازع نعروں پر سخت تنقید کرتے ہوئے انہیں کانگریس کا کلچر قرار دیا ہے تاہم، ویمنس کانگریس ضلع صدر کا کہنا ہے کہ انہوں نے کوئی متنازع بیان نہیں دیا ہے اور وہ اپنے بیان پر قائم ہیں۔
کانگریس کی ملک گیر ریلی کے دوران منجو لتا مینا نے نعرے لگائے “مودی تیری قبر کھدے گی، آج نہیں تو کل”۔ نعرے بازی کی ویڈیو سوشل میڈیا پر وائرل ہوگئی۔
بی جے پی کی قومی ترجمان رادھیکا کھیرا نے اپنے سوشل میڈیا اکائونٹ پر منجو لتا کے نعرے لگانے کا ویڈیو شیئر کیا اور کانگریس پر تنقید کی۔
بی جے پی کے قومی ترجمان سدھانشو ترویدی نے کہا کہ کانگریس پارٹی کا اصل کردار ایک بار پھر بے نقاب ہو گیا ہے، کیونکہ وہ مسلسل وزیر اعظم نریندر مودی کی موت کی تمنا کر رہے ہیں۔
مودی کی قبر کھودنے کی بات کرنے والی پارٹی خود ہی دفن ہو جائے گی۔ راہل گاندھی کی قیادت میں کانگریس پارٹی کا وہی حشر ہوگا جو اورنگ زیب کے دور میں مغلوں کا ہوا تھا۔
بی جے پی کی قومی ترجمان رادھیکا کھیرا نے سوشل میڈیا پلیٹ فارم ایکس پر منجو لتا مینا کی ویڈیو شیئر کرتے ہوئے لکھا، “یہ منجو لتا مینا ہیں۔ منجو مہیلا کانگریس کی جے پور سٹی صدر ہیں۔ وہ وزیر اعظم کی قبر کھودنا چاہتی ہیں جنہیں ہندوستان کے لوگوں نے تین بار منتخب کیا ہے۔” یہ گلیوں کے سڑک چھاپ نہیں ہیں۔ یہ کانگریس کے نمائندے ہیں جنہیں راہل گاندھی نے ذاتی طور پر منتخب کیا ہے، جو کانگریس کے سرکاری نظریے کو آگے بڑھا رہے ہیں۔
دریں اثناءجے پور سٹی مہیلا کانگریس کی ضلعی صدر منجو لتا مینا نے ایک نیوز ایجنسی کو بتایا، “میں نے کوئی جھوٹا بیان نہیں دیا ہے۔ اس طرح کے نعرے پہلے بھی لگائے گئے ہیں۔ میں اپنے بیان پر پوری طرح قائم ہوں۔
بی جے پی ممبران نے پنڈت جواہر لال نہرو، راہل گاندھی اور سونیا گاندھی کے خلاف بھی بے بنیاد نعرے لگائے۔ ان کے بارے میں کوئی کچھ نہیں کہتا۔ ہر کوئی جانتا ہے کہ بی جے پی حکومت کیسے بنا رہی ہے۔” میں نے کوئی جھوٹا نعرہ نہیں لگایا۔”
اسی دوران مہیلا کانگریس کی ریاستی صدر ساریکا چودھری نے اپنی ضلع صدر منجو لتا مینا کے متنازع نعروں کا دفاع کرتے ہوئے کہا کہ بی جے پی ممبران بھی ہمارے سرکردہ لیڈروں کے خلاف طرح طرح کے قابل اعتراض نعرے لگاتے ہیں، پھر بھی ان کے خلاف کوئی کارروائی نہیں کی جاتی۔
