خیبر پختونخوا کے وزیر اعلیٰ ہاؤس سے حساس معلومات کے لیک ہونے کے معاملے کے بعد سی ایم ہاؤس کے 80 اہلکاروں کا تبادلہ کر دیا گیا ہے۔
ذرائع کے مطابق 53 اہلکار اسپیشل برانچ اور 27 اہلکار ایف آر پی سے تبدیل کیے گئے، جبکہ پولیس لائن اور سیکیورٹی یونٹ سے نئے اہلکار سی ایم ہاؤس میں تعینات کیے گئے ہیں۔
مزید بتایا گیا ہے کہ عید سے قبل ٹرانسفر کیے جانے والے اہلکاروں کو الاؤنس سے بھی محروم کر دیا گیا ہے۔ یہ اقدام ہاؤس میں سیکورٹی اور معلومات کی حفاظت کو یقینی بنانے کے لیے اٹھایا گیا ہے۔