اسلام آباد میں دنیا بھر کا سفر سائیکل پر کرنے والے ایک جرمن شہری کو پہنچتے ہی چوری کا سامنا کرنا پڑا۔ ذرائع کے مطابق فلپ سام نامی شہری نے رات گزارنے کے لیے تھانہ کھنہ کے علاقے میں اسلام آباد ایکسپریس وے کے قریب کیمپ لگایا تھا۔
اگلی صبح جب وہ بیدار ہوا تو اس کی سائیکل اور قیمتی کیمرہ دونوں غائب تھے، جس پر اس نے متعلقہ حکام کو اطلاع دی۔ واقعے کے بعد جرمن سفارت خانہ نے مداخلت کی، جس کے بعد اسلام آباد پولیس نے فوری کارروائی شروع کی۔
پولیس کی کوششوں کے نتیجے میں کچھ ہی وقت میں سائیکل برآمد کر لی گئی، جبکہ مزید تفتیش جاری ہے تاکہ دیگر سامان اور ملزمان کا سراغ لگایا جا سکے۔
