اسرائیل نے جنوبی لبنان میں حملوں کے دوران حزب اللہ چیف کے پرسنل سیکرٹری علی یوسف حارشی کو نشانہ بنا کر شہید کرنے کا دعویٰ کیا ہے، جبکہ تنظیم کے انفرااسٹرکچر پر بھی حملوں کا کہا گیا ہے۔
میڈیا رپورٹس کے مطابق اسرائیلی افواج نے جنوبی لبنان کے مختلف علاقوں کے ساتھ بیروت کے نواحی علاقوں میں بھی شدید بمباری کی، جس کے نتیجے میں رہائشی عمارتیں تباہ ہو گئیں اور کئی مقامات پر ملبے کے ڈھیر لگ گئے۔
اسرائیل کا کہنا ہے کہ حملوں میں حزب اللہ کے اہم ٹھکانوں کو نشانہ بنایا گیا، جبکہ علی یوسف حارشی کو بھی اسی کارروائی میں ہلاک کیا گیا۔
دوسری جانب حزب اللہ نے جوابی کارروائی کرتے ہوئے اسرائیلی افواج اور ٹینکوں کو نشانہ بنانے کا دعویٰ کیا اور اسرائیلی بستیوں پر متعدد راکٹ فائر کیے، جس پر اسرائیلی فوج نے زیادہ تر راکٹوں کو ناکام بنانے کا مؤقف اختیار کیا ہے۔
ادھر اطلاعات ہیں کہ حالیہ شدید حملوں کے بعد لبنان میں یوم سوگ منایا جا رہا ہے اور صورتحال بدستور کشیدہ ہے۔