امریکی صدر ڈونلڈ ٹرمپ نے امریکا کے 250 ویں یومِ آزادی کے موقع پر منعقد ہونے والا مجوزہ کنسرٹ اچانک منسوخ کر دیا ہے۔
سوشل میڈیا پر جاری بیان میں ٹرمپ نے کہا کہ گلوکار غیرمعمولی معاوضے طلب کرتے ہیں، ان کی موسیقی متاثر کن نہیں اور وہ عوامی شکایات کے حل کے لیے کوئی کردار ادا نہیں کرتے۔
صدر ٹرمپ نے اعلان کیا کہ کنسرٹ کے بجائے “میک امریکا گریٹ اگین” ریلی کا انعقاد کیا جائے گا۔
یاد رہے کہ ٹرمپ کے غیر منافع بخش گروپ “فریڈم 250” نے 16 روزہ تقریبات کا اعلان کیا تھا، جن میں نیشنل مال پر ایک بڑے کنسرٹ کا بھی منصوبہ شامل تھا۔ تاہم امریکی میڈیا رپورٹس کے مطابق حالیہ دنوں میں کئی فنکاروں نے اس تقریب میں شرکت سے انکار کر دیا تھا۔
اب کنسرٹ کی جگہ 24 جون کو صدر ٹرمپ ایک عوامی ریلی سے خطاب کریں گے۔
