ڈوڈہ/ضلع ڈوڈہ کے بھدرواہ کے بھالہ علاقے میں پیر اور منگل کی درمیانی شب ایک کار بے قابو ہو کر الٹنے کے نتیجے میں دو خواتین سمیت 6 افراد زخمی ہوگئے۔
حکام کے مطابق ایک اِگنس کار بھالہ کے علاقے سے گزر رہی تھی کہ اچانک ڈرائیور گاڑی پر قابو نہ رکھ سکا، جس کے نتیجے میں گاڑی سڑک پر الٹ گئی اور اس میں سوار 6 افراد زخمی ہوگئے۔
حکام نے بتایا کہ تمام زخمیوں کو فوری طور پر علاج کے لیے گورنمنٹ میڈیکل کالج ڈوڈہ منتقل کیا گیا، تاہم ان کی حالت کے بارے میں فوری طور پر معلومات دستیاب نہیں ہوسکیں۔
زخمیوں کی شناخت 17 سالہ ریا دیوی، 40 سالہ رجنی دیوی، 43 سالہ سلیندر کمار، 19 سالہ روہت کمار، 50 سالہ رومیش کمار اور 30 سالہ سونو شرما کے طور پر ہوئی ہے۔
دریں اثنا، حادثے کی وجوہات کی تصدیق کی جا رہی ہے جبکہ متعلقہ حکام نے معاملے کا نوٹس لے لیا ہے۔
