تحریک انصاف کے اہم رہنما اور معروف اینکر عامر لیاقت حُسین نے وفاقی مشیر اطلاعات ڈاکٹر فردوس عاشق اعوان کے افسوس ناک بیان پر وزیر اعظم سے مطالبہ کرتے ہوئے کہا ہے کہ ان سے ہماری جان چھُڑوا دیجیے۔ عامر لیاقت حُسین نے کہا وزیراعظم صاحب آپ جانتے ہیں کہ میں آپ سے کتنی محبت کرتا ہوں۔
میری آپ سے دست بستہ گزارش ہے کہ آپ ان (وفاقی مشیر اطلاعات) سے ہماری جان چھُڑوا دیجیے۔ آپ سے گزارش کرتا ہوں پلیز ہم پر رحم فرمائیں۔ ان سے ہماری جان چھُڑوا دیں۔ اس طرح کی باتیں، اس موقعے پر ۔ کچھ نہیں پتا۔ بس آپ سے بہت گزارش کرتا ہوں۔ وزیر اعظم صاحب یہ میں آپ سے کہہ رہا ہوں۔ ان سے کچھ نہیں کہہ رہا۔
ان کا کوئی قصور نہیں ہے۔ اس کے بعد عامر لیاقت نے ناظرین کو مخاطب کرتے ہوئے کہا کہ میں آپ کو بھی ایک چیز دکھانا چاہتا ہوں۔
اپنے ٹویٹر پر بھی وزیر اعظم کے نام یہ پیغام پوسٹ کیا ”وزیراعظم صاحب ! انتہائی دست بستہ ادب کے ساتھ یعنی ہاتھ جوڑ کے ملتمس ہوں کہ میں گھبراتا نہیں ہوں مگر ایسی باتیں سن کر گھبرا جاتا ہوں ،ان کے لیے کچھ کیجیے، بہت ہوگیا، پلیز کچھ کیجیے۔
